اكتب الفاتورة،سجّل الوجبة،واعرف شكد ربحت.

اضغط المنتج يطلع المبلغ. أقسام وبحث ومفضلة، وتفتح لحد 3 فواتير بنفس الوقت. تكتب المبلغ المستلم والنظام يحسب الباقي للزبون، أو يسجّل الباقي دين.

امسح باركود المنتج بكاميرا الموبايل أو بقارئ باركود، وينضاف للفاتورة فوراً.

صورة لكل منتج من الكاميرا أو المعرض، حتى يتعرف عليه الكاشير بنظرة.

سوّي عرض بنسبة أو مبلغ ولفترة محددة، وينطبق على الفاتورة بضغطة.

الزبون رجّع؟ تختار الكمية، والمخزن يرجع والأرباح تتصحح. وتضيف ضريبة شاملة أو غير شاملة تنكتب بالوصل.

سعّر وبيع بالدولار والدينار، ويبين المبلغ بالعملتين.

الزبون يجمع نقاط ويستبدلها بخصم، فيرجع لمحلك.

كرتونة أو برميل أو جلكان؟ دخّل السعر والعدد والنظام يحسب كلفة القطعة وسعر البيع المناسب وربحك.

طابعة حرارية 58 أو 80 ملم، أو فاتورة A4. وتكدر ترسلها واتساب.

تحكم كامل بتصميم الفاتورة مع معاينة حيّة: شعارك وصورة سفلية، ترتيب الأقسام، الخطوط، الأعمدة، النصوص، الورق.

اربط طابعة حرارية وتطبع الفاتورة مباشرة بدون نافذة الطباعة (كروم على أندرويد أو الكمبيوتر).

وصل أنيق بشعار محلك ترسله للزبون برابط على واتساب.

اطبع ملصقات الأسعار والباركود لمنتجاتك، وقائمة أسعار جاهزة.

كل زبون وكل مورد بحسابه: شكد عليه، شكد سدّد، ومتى.

رسالة جاهزة لكل مدين بضغطة، تنكتب وتنرسل بدون ما تتعب.

كشف حساب مرتب لأي زبون، تطبعه أو ترسله.

قسّم الدين على دفعات بتواريخ، وتتابع شكد انسدّ.

سجّل مصاريف المحل ببنود تحددها أنت، وتنحسب بالأرباح.

آخر اليوم تسكّر القاصة وكلشي ينحسب والفرق يبين. أرباح اليوم والأسبوع والشهر بمكان واحد.

أكثر المنتجات بيعاً، أفضل الأوقات، ومقارنة بالفترات السابقة.

ملخص الشهر جاهز للطباعة أو الإرسال للمحاسب.

نزّل مبيعاتك لملف Excel لأي فترة تحددها.

أضف منتجاتك بالأسعار والكلفة والوحدة والقسم، وتعدّلها بأي وقت.

المخزن ينقص مع كل بيعة، ويجيك تنبيه قبل ما تنفد المادة.

النظام يجمع المواد اللي قاربت تخلص ويسوي طلب جاهز ترسله للمورد.

سجّل كل وجبة بسعرها ومنو جابها، ودخل كل يوم عليها لين تصفّرها وتعرف ربحت لو خسرت.

رابط بمنتجاتك وأسعارك، تنشره وين ما تريد.

الزبون يطلب من الرابط وتوصلك الطلبات بالنظام لتقبلها أو ترفضها.

رمز QR لكل طاولة، الزبون يطلب من جواله والطلب يوصل للكاشير.

الزبون يفتح رابط ويشوف حسابه ودينه بدون ما يتصل بيك.

حضور وغياب، رواتب يومية وأسبوعية وشهرية، وغرامات وسلف وإكراميات بسببها.

سوّي حسابات للمدير والكاشير تحت اشتراك واحد، وانتقل بينها بدون خروج.

حدد شنو يشوف ويسوي كل حساب. الكاشير يبيع بس ولا يشوف الأرباح.

افتح وسكّر الوردية وقارن الفلوس اللي بالدرج بالمبيعات.

منو غيّر شنو ومتى: حذف فاتورة، تعديل سعر، وغيرها.

الأرباح مخفية بنقاط، وتقفل صفحات محددة برمزك أنت.

الإنترنت قطع؟ كمّل بيع عادي. والتغييرات تنتقل لما يرجع.

بالمجاني والاحترافي كل شي يبقى على جهازك، وتنزّل نسخة احتياطية بأي وقت.

بيع من الموبايل وشوف الأرباح من الكمبيوتر، كلشي يتحدّث مباشرة.

نسخة تلقائية كل يوم وتكدر ترجّعها.

النسخة تنرسل لحسابك على تيليجرام تلقائياً.

غيّرت الموبايل؟ امسح QR وتنتقل بياناتك مشفّرة بدقيقة.

اسأله «شكد ربحت هذا الأسبوع؟» أو «منو أكثر زبون عليه دين؟» وجاوبك.

ملخص مبيعات اليوم يوصلك على واتساب.

لون النظام، تقريب المبالغ، شكل الأرقام، وإخفاء الصفحات اللي ما تحتاجها.

وضع ليلي مريح، والواجهة بالعربي والإنكليزي والكردي.

ثبّته على شاشة الموبايل أو الكمبيوتر ويفتح مثل أي تطبيق.